Value ussi ki hai jiske million likes hain.
Hum Toh uss type k log hain jinke baal spikes hain.
Hum aaj bhi words rhyme karne ka sochte hain
Aur duniya tik tok k videos per mute dance dikhaati hai.
Jisse hum Nostalgia ka naam dete hain woh asal main #throwbackthursday kehlaati hai.
Free ka gyaan dene waalon ko ab influencer kehte hain.
Aur kishtein bharne waale berozgaar baithe hain.
Kabhi lagta hai main bhi jeebh nikaal kar tasweerein khichwaaun aur jeewan main kuch toh naam kamaaun.
Ek kitaab pichle kuch maheeno se chal rahi hai. Chai k saath photo main kaafi jach rahi hai.
Kahaaniyon k daur se kosoon durr aa gayi hoon. Ab thand ki dhoop main Instagram stories banaa rahi hoon.
Kissi zamaane main Anyaaye per buland aawaaz uthaane waali aaj trolls se darke screen k peeche chhup jaati hai.
Kyunki social media k samaaj ki izzat se badkar
aaj koi devi nahi kehlaati hai.
Posts
